ခန်ဗ္တောန် ( ၁၀ )
သၚ်ကွးကျာ်တြဲ လျုၚ်ခိုဟ်ပြဲ
 |
| တၠဂုဏ်အ္စာပိုဲ တၠဂုဏ်အ္စာ တၠဂုဏ်အ္စာ၊ ဆဵုကောန်ဗၠာဲတံ အီထ္ၜးဏာ။ ဆဵုကောန်ဝုတ်တံ အီထ္ၜးဏာ။ တၠဂုဏ်အ္စာ ရံၚ်မံၚ်လိက်၊ ပ္ဍဲလ္တူဘာ ရာဒၞါမိက်။ ဝေယျာဝစ္စ ဘိက်ကၠောန်အာ၊ ပရအ်ဗြာတ် ညးကဵုဏာ။ ဍိုဟ်ကေက်သာယျာ ဂွံဒှ်မ္ၚဵု ညးဒၠေံါဗ္တောန် ဂွံဆဵု |
မာံတၠအာယုက်
 |
| လောန်ကၠုၚ်တုဲတေံ သမ္ဘာတၠသ္ၚိညးၜါကီု သီုကောန်ဍောတ်မွဲ အာကလအ် အ္စာရသိအိုတ်ရ။ |
 |
| ပရူဒဒှ် သၟတ်ကောန်ၚာ်ဂှ် ဒးဒုၚ်စကဵုလကိုဟ်ကီု၊ ကျာ်တြဲဟေၚ် ရီုဗၚ်ဟံၚ်ပြာ်မာန်ကီုဂှ် အ္စာရသိ ဟီုလဴထ္ၜးကဵုရ။ |
 | ဘိုအ်ကောန်ၚာ် အာယုက် ဂွံဂၠိုၚ်တိုန်ဂှ် ကျာ်တြဲ သ္ကဵုခမဳတံ တွဳဗွိုၚ်လဝ် ကောန်ၚာ်ဂှ်တုဲ၊ သ္ကဵုဖ္ဍောတ် ပရိုတ်မ္ၚဵုရ။ ဟိုတ်နူဂှ်တုဲ သၟတ်ကောန်ၚာ်ဂှ် ဂွံဗၠး နူဘယ်လ္ကိုဟ်ရ။ |
| ကျာ်တြဲ က္ညပြာကၠုၚ်တုဲ “သၟတ်ဝွံ အာယုက်ကဵုဂၠိၚ်ညိ” ရာဒနာရ။ ကောန်ၚာ်ဂှ် အာယုက်ဂၠိၚ်အာ ( ၁၂၀ ) သၞာံရ။ ဒၟါနူဂှ် “မာံတၠအာယုက်” သာ်ဝွံ ယၟုညးတေံ ဒယှ်ပြကဋ်ရ။ |  |