ခန်ဗ္တောန် ( ၁၇ )
ရီုဗၚ်မိမ ( ရော်ဂုဏ်မိမ )
 |
| ကၠာကၠာတေံ ရသိဒုကူလ၊ ပါရိကာ ကေုာံ ကောန်ဗၠာဲသုဝဏ္ဏသာံ ညးပိတၠ မံၚ်ဒၟံၚ် ပ္ဍဲဂြိုပ်ဇၞော်မွဲရ။ |
 |  |
| ရသိၜါ ဃောအာဂၠာဲၜှ်စသတ်ဆု ဇြုံဇာတ်ဂမျိမွဲ ကသိုဟ်ပ္တိတ်ဂျိ ဒးမတ်ရသိၜါတုဲ မတ်ညးတံဒးဂၠုဗ္ဒန်အာရ။ | အခိၚ်က္လေၚ်စိုပ်မံၚ် ဗီုရိုဟ်တ္ၚဲဂှ်မိမၜါ ဟွံက္လေၚ်စိုပ်တုဲ၊ သုဝဏ္ဏသာံ ဗက်ဂၠာဲ ကညာၚ်ကော် မိမၜါရ။ |
 |  |  |
| ကာလဆဵုဒး မိမၜါ မတ်မဂၠုဗ္ဒန်မံၚ်ဂှ် သုဏ္ဏသာံ ဒုၚ်ကဵုကၞုၚ်ဇုက်တုဲ၊ကဝါ်ဒတဲ ဒုၚ်ဖျဴနၚ်သ္ၚိရ။ | သုဝဏ္ဏသာံ ကၠောန်ၜိုတ်လွဳပရာမိမၜါ သၟာဒမၠုမတ်ရ။ | ဒးကာလမွဲတ္ၚဲ သုဝဏ္ဏသာံ အာတုက်ဍာ် ကရောံ ၜိုၚ်၊ ပှ်၊ မၚ်၊ ဒြာဲတံရ။ |
 |  |
| သၟိၚ်မွဲ အဃောဂေတ်လန်ဂြိုပ် ဆဵုညာတ်ဒး သုဝဏ္ဏသာံတုဲ ပန်ဏာ နကဵုကံလဴဂျိရ။ | သုဝဏ္ဏသာံ လောတ်စှ်ေအာရ။ |
 |
| ကာလဂှ် သၟိၚ်အာကဵုပရိုၚ် ကုမိမ သုဝဏ္ဏသာံတံတုဲ၊ မိမသုဝဏ္ဏသာံတံ သ္ပသစ္စ သာ်ဝွံရ။ “ကောန်ဗၠာဲ သုဝဏ္ဏသာံဏံဂှ် ဒှ်ကောန် ကၠောန်ၜိုတ်ဗ္စဖျုၚ် မိမ ဍာံဍာံရ၊ ဟိုတ်နူဂလောန်သစ္စဍာံစၟတ်ဝွံ ကောန်ပိုဲ ကဵုဂွံဗၠးတိတ်နူဘဲ လဴဂျိဏံညိ” ကာလဂှ် သုဝဏ္ဏသာံ ဂျိဗၠးအာ ဒဋ္ဌဂတမတ်ရ။ |
မာံသုဝဏ် ညးဘိုၚ်ကရိုၚ်မိမ မာံသုဝဏ် ဍိုဟ်သ္ကေက်သ္ကာ၊ ကၠောန်ၜိုတ်မိမၜါ။ သတ်ဆုဂၠဲါအာ တုက်ဍာ်ကၠောန်၊ ပ္ကောံလဝ် ရဲဟွံအောန်။ လဴဂျိပြဟ်လောန် သ္ဍာံတုဲပန်၊ ဒး မာံသုဝဏ်ပၠန်။ ဂျိတန်ဟၟဲ စှ်ေအိုတ်အာ၊ ဟိုတ်ဘိုၚ်မိမၜါ။ |