ခန်ဗ္တောန် ( ၃၄ )
ဇာဒိသိုၚ် ပံၚ်ဒးကဵု ကၠဵုကၠိၚ်
| ဇာဒိသိုၚ်သၟတ် မၞုံယၟုမနောဇဂှ် မံၚ်ဒၟံၚ်ပ္ဍဲဂြိုပ် ကရောံမိမ ဗွဲမမိပ်ဇြိပ်ရ။ |  |
 | ဒးကာလမွဲတ္ၚဲ ညးတေံ ပံၚ်ဒးကဵု ကၠဵုကၠိၚ် နွံကဵုစိုတ် မယုတ်မာရ။ |
| “ လ္ပပံၚ်ဖက်ကဵု ကၠဵုကၠိၚ်ညိ ” အပါ မနောဇတံ ဟီုဗ္တောန်ရ။ မနောဇဟွံက္လၚ် စ အရေဝ် အပါဇကုရ။ |  |
 | ဒၟါနူကၠဵုကၠိၚ် ထဴတုဲ မနောဇ ကၠတ်ကိတ်ဂစိုတ် ချေံသၟိၚ်မွဲတုဲ ညးၜါ ပရအ်စ တုပ်တုပ်ရ။ |
 | မနောဇ အဃောကိတ်မံၚ် ချေံသၟိၚ်ဂှ် သၟာလဴတ္ၚတံ ပန်နၚ်တုဲ ဒးအာကမ်လဴရ။ ဇာဒိသိုၚ်သၟတ် ချိုတ်ယျ ထေၚ်ခယျတုဲ ကၠဵုကၠိၚ်အယုတ် ဂြိပ်ဒဴထောံရ။ |
 | မနောဇ စဴကၠုၚ် သီုဘဲလွပ်ဂှ် အပါမနောဇတအ် ဟီုဗ္တောန် သာ်ဝွံ။ “ လက်ကရဴမ္ဂး လ္ပပံၚ်ကဵု သမၠီုဏး ” |
ဇာဒိသိုၚ်သၟတ် မနောဇ
ဇာဒိသိုၚ်သၟတ် မနောဇ
မနောဇဂး ဇာဒိသိုၚ်မွဲ၊
ကၠဵုကၠိၚ်အယုတ်ရ ဍေံသ္ပရဲ။
ဂလောန်မိမပြဲ ဟွံက္လၚ်ဗက်၊
ခါစိုပ်ဘဲမှ ကဟောံစိုတ်ဂြက်။
ယွံလေဝ်သ္ကအ်ရဲ ကောဒေံၝဲ၊
ကရောံမၞိဟ်ယုတ်ဂှ် မံၚ်ကဵုသ္ၚောဲ။
ဂလာန်မိမပြဲ ဗ္တောန်ပေတ်ကၠုၚ်၊
ညံၚ်ဇာဒိသိုၚ်ဂှ် လ္ပပဲါသရုၚ်။
ပိုဲညးဂမၠိုၚ် ရှ်ေသှ်ေလျိုၚ်။