ခန်ဗ္တောန် ( ၃၃ )
စွံစိုတ် ခိုဟ်ခိုဟ်ဏောဝ်
| ပ္ဍဲဂြိုပ်မွဲ တ္ၚေက်ဂမၠိုၚ် မံၚ်ဒၟံၚ် ကောံကောံဓရီုဓရီုရ။ |  |
| ၜံက်ကပှ်စ မသြောံမၜဲ မဒတုမ်ပြးမံၚ် အကြာဂၠံၚ် ဗွဲမမိပ်သၠောၚ်အိုတ်ရ။ |  |
| တ္ၚေက်ၝောံမွဲဂှ် ညာတ်ဒး တ္ၚေက်တၞဟ် ၜံက်စမံၚ် မိပ်မိပ်သၠောၚ်သၠောၚ်ဂှ် စိုတ်ဟွံဒး ( ဣဿာ ) ရ။ ညးမွဲဓဝ် ညံၚ်ဂွံစစၞဂှ်မာန် ချပ်စန်စာမံၚ်ရ။ |  |
| “လ္တူဂၠံၚ်ဂှ် အန္တရာယ် နွံမံၚ်၊ လ္ပအာအိုတ်ညိ” ဗီုဏအ် ဟီုလီဠာန်စရ။ တ္ၚေက်တၞဟ် ဟွံဂံၚ်ကၠုၚ်အိုတ်တုဲ ညးတေံမွဲဓဝ် ၜံက်စမံၚ်ရ။ |  |
 | တ္ၚေက်ၝောံ မကပှ်ၜံက်စမံၚ်သြောံ နကဵုလောဘဇဴဂှ် ကွဳဂၠဴ လိုန်တုဲ ဒးချိုတ်အာရ။ |
ဣဿာ ကဵုစ္ဍးခြာညိ
ညးနွံပၟိက်ဂှ် ပိုဲသၠးကဵုဏာ၊
ရီုဗၚ်ညဳသာ အိုတ်စိုတ်လေဝ်။
စိုတ်ခိုဟ်ပြဲဂှ် ကဵုဒှ်ဗိုန်ဗတ်၊
ခိုဟ်နူဇကုမ္ဂး မိပ်စိုတ်ဒှ်အာ၊
စောန်စိုတ်ဣဿာ စ္ဍးခြာလေဝ်။
စွံသတိလၟိုန်ခါ စိုတ်ဣဿာ၊
သ္ၚောဲခြပဲါဝေၚ်လေဝ်။
ဨဣဏံရ ပိုဲတံသီုဖ္အိုတ် စွံစိုတ်ပြဲဏောဝ်လေဝ်။ ။