၂၃။ ပ္ဍဲလိုက်ဏံ ဒြပ်ရတ်ၚုဟ်မးဇၞော်နူကၟိန်ဍုၚ်ဗၠးၜးဂှ် ဟွံမွဲရ။ ဟိုတ်နူၚုဟ်မးဇၞော်ဂၠိုၚ်ဟေၚ် မၞိဟ်တအ် ဒုၚ်သၠာဲမံၚ် ကုဆီပဠက်လမျီု ဗွဲမဂၠိုၚ်ရောၚ်။
၂၄။ ဆာန်ဂကူမန်ဍာံမ္ဂး မဇဂကူမန်ညံၚ်ဟွံဂွံကၠေံကၠက်အာဂှ် ဒးထိၚ်ဒဝ်အာရောၚ်။ မဇဂကူမန်ညံၚ်ဟွံဂွံကၠေံကၠက် ပရေၚ်ဘဝဂကူမန် မန်ဒးဖန်က်ကေတ်တ်ရောၚ်။ မဇဂကူမန် ညံၚ်ဂွံတန်ကြန် ဍုၚ်မန်ဗၠးၜးပိုဲ ဒးပ္တန်ရောၚ်။
၂၅။ မိက်ဂွံတီအာဲ ဒးဂၠာဲရံၚ်ဝၚ်အတိက်၊ ဝၚ်အတိက်ဟွံရံၚ် ဆီပြံၚ်ဒှ်ဍိက်။ ( ကျာ်ဇၞော်ဘာဒေါဝ်၊ ကွာန်တံၚ်ပရၚ် )
၂၆။ မိက်ဂွံကဵုဂကူမန်ဗၠးၜးမ္ဂး အလုံဂကူမန်တအ် စိုတ်ဓါတ်ဆာန်ဂကူ ညံၚ်သ္ဂောံသၠုၚ်၊ ညံၚ်သ္ဂောံမြဟ်မြဴကၠုၚ်ဂှ်ဒးကၠောန်ကၠာအိုတ်ရောၚ်။ စိုတ်ဓါတ်ဆာန်ဂကူသၠုၚ်မံၚ်ဟေၚ် ဒုၚ်ဒဒိုက်၊ ဒုၚ်ဂိ၊ ဒုၚ်ကဵုမာန် စိုတ်ဓါတ်ဆာန်ဂကူ မြဟ်မြဴဟေၚ် ဒုၚ်ထံၚ် ဒုၚ်ချိုတ် သွက်ဂကူမာန်ရောၚ်။
၂၇။ မၞိဟ်ကၠောန်မံၚ်ကမၠောန် ပရေၚ်ဂကူတအ်ဂှ် ၜိုန်ယောၚ်ယာနွံကၠာလေဝ် ဆဵုဂဗဂၠိုၚ်ကၠုၚ်မ္ဂးကၠောန်ဒးအံၚ်ဇၞးမာန်မံၚ်ရောၚ်။ မၞိဟ်ဟီုကေတ်သၟးသၟးတအ်ဂှ် အခိၚ် လဵုလေဝ် အံၚ်ဇၞးမာန်ဟွံသေၚ်၊ ဟိုတ်ဂှ်တုဲ မၞိဟ်ဗီုလဵု ဒးထိုၚ်သးထေက် သ္ၚဳဂၠိပ်ညိ။
၂၈။ မၞိဟ်မွဲမွဲ ပူဂဵုဆာန်ဂကူသေၚ်၊ ဟွံသေၚ်ဂှ် ကလၚ်အရေဝ်ညးသၟးဟွံတီ၊ ဒးရံၚ်လ္တူ ကမၠောန်ပွညးတအ်ရောၚ်။
၂၉။ ဒုၚ်ယၟုကၠောန်ပရေၚ်ဂကူ ဂးတုဲ ရေက်ကးပ္တိတ်မံၚ်ပရဲ လ္တူကမၠောန်ဂကူမ္ဂး ပရေံနူ ဟွံကၠောန်ပရေၚ်ဂကူဏီ။